Rabacal: Reklamo sa senior citizens

DAGHANG mga citizen ang wa marehis tro dili tungod kay sa Cebu City senior dili sila gusto magpabakuna apan tungod kay wa sila masayud nga diha na diay registration nga gihimo. Unya gipahibawo dayon sa Cebu

City Health Department nga 9,000 ra ang nagparehistro sa 82,000 ka senior citizens sa siyudad. Aduna pay miingon nga nangahadlok kuno ang mga seniors nga magpabakuna. Dili ko motuo niana kay kadaghanan sa mga senior buot magpabakuna kay dali ra silang mataptan sa coronavirus.

Samtang si acting Cebu City Health Department Officer-in-charge Jeffrey Ibones miingon nga maghimo kuno silag houseto-house nga information campaign aron manglista sa mga seniors nga buot magpabakuna.

Ako mismo kanunay nga nagpahibawo sa akong tulomanun sa telebisyon nga

gusto kong mabakunahan dayon. Ako pang gipahibawo ang usa sa among barangay konsehal nga magpabakuna ko ug akong asawa. Wa gyuy timik hangtud nga ako nalang nasayran nga deadline na sa pagpa-rehistro. Ako dayon gisuwayan sa pag-abli ang ilang website aron morehistro apan dili kini maabli kay deadline na kuno. Apan human sa pila ka adlaw na-abli ang maong website ug mirehistro kami apan wa gyuy tubag kon pahibawo kon naapil na ba kami sa mga rehistrado. Wala usab ang ilang giingon nga house-to-house.

Kon ang mga tawo nga sama kanako wala man gani masayud nga duna na diay

registration, unsa na kaha ang mga senior nga naa sa kabukiran ug wala masultihi kalabut sa maong pagpanglista? Sayon ra man unta ang paghimo og information campaign pinaagi sa media ug sa ubang mga paagi ambut og nganong wa man kini buhata?

***

Nangisug na si Mayor Edgardo Labella ug iyang gisugo ang mga sakop sa Cebu City Police Office (CCPO) sa paghugot sa kampanya batok sa iligal nga sugal. Daghan kining illegal gambing dinhi sama sa masiao nga swertres, STL, tigbakay, monte, mahjong ug uban pa. Kining mahjong, monte ug swertres maoy murag dili mahunong tungod man gud sa giingong nagprothir kanila nga mga dagkung tawo ug mananakop.

Atong paabuton kon unsay resulta niining gitawag og “strike one” nga maoy pulisiya sa Philippine National Police (PNP). Nagpasabot kini nga kon dunay masayran nga bisan unsang iligal nga sugal sa usa ka dapit ang commander sa police station diin nahisakop ang maong dapit pagatangtangon.

***

Nagsugod na ang “Puliti-Kape” forum nga gipasi-ugdahan sa P.A.T. Media Factor diin gihisgutan ang kwalipikasyon sa mga gituhoang molansar pagka-presidente sa Mayo 2022 nga presidential election. Inyo kining Makita sa Facebook. Kalabut sa pulitika akong nasayran nga si Sportsman Lorenzo “Chao” Sy gitudlo nga Cebu province ug Cebu city chairman sa Manny Pacquiao for President Movement (MPPM).

(msr1144@yahoo.com)

Related Stories

No stories found.
SunStar Publishing Inc.
www.sunstar.com.ph