SELEBRASYON sa ika-500 ka tuig sa Kristiyanismo sa nasud nga gipahigayon sa Basilica Minore del Sto. Niño Pilrim Center gihulagway sa kapulisan nga nalampuson ug malinawon.
Kapin sa 300 ka mga pulis ang gipakatap sa sulod ug gawas sa simbahan aron mahatagan ug kahapsay ug matuman ang minimum health standard.
Hugot nga siguridad ang gipatuman sa kapulisan sa dakbayan sa Sugbo sa sulod ug gawas sa Basilica sa wala pa hingpit gisugdan ang pag-reenact sa labing unang misa ug bautismo sa Pilipinas 500 ka tuig na ang nakalabay.
Alas 10 pa lang sa buntag gi pakatap na ang 350 ka personnel gikan sa Cebu City Police Office nga gipangulohan ni Police Lieutenant Colonel
Wilbert Parilla, ang deputy city director for operation, uban ang augmentation gikan sa Central Command.
Matod ni Parilla nga gawas sa 350 ka uniform personnel aduna pay laing 50 nga gipa estambay kung ugaling gikinahanglan pag dugang mga police nga mobantay.
Ang mga dalan nga nag libot sa Basilica ang gipang sirado ug wala pa agi-i sa mga pribado ug publikong mga sakyanan gawas lang niadtong adunay sticker nga gihatag kanila sa simbahan nga makasulod aron mohatod
sa mga importanteng bisita.
Sama sa Sinulog nag butang silag usa ka entrada ug duha ka exit diin kadtong mga tawo nga dinapit nga motambong sa kalihukan masiksik ang
ilang mga dala.
Dugang ni Parilla nga ang trabaho sa police gawas sa pag bantay sa nga kriminal mao usab ang mopatuman sa minimum health standard kini aron malikayan ang Covid-19.
“Ang health protocol mao gyud na ang primary nga function not only for physical security but also the health protocol nga atoang gipatuman,” matod ni Parilla.
Gibanabana sa kapulisan nga nahuman ang programa alas 10 na sa miyerkules sa gabii nga gihulagway ni Police Lieutenant Colonel Ryan Devaras nga
hapsay ug malinawon.
Walay nakita nga problema si Devaras gikan pa sa pagsugod hangtod sa pag tapos tungod sa maayong koordinasyon sa kapulisan, simbahan ug sa kagamhanan sa siyudad sa Sugbo.
“Ang coordination sa between agencies, dugay nana nga sigeg meeting and we planned it and we execute in successfully,” matod ni Police Lieutenant Colonel Ryan Devaras. (AYB)