ANG Office of the City Prosecutor sa Mandaue City nirekomendar sa pagpasaka og siyam ka mga kasong falsification of commercial documents ubos sa Article 172 sa Revise Penal Code batok sa pito ka mga tawo
ug daghang John Does sa motorcycle dealer DES Strong Motors Inc. (DSMI).
Kini human ang Land Transportation Office (LTO) 7, nga girepresentahan niy Regional Director Victor Emmanuel Caindec, pormal nga nipasaka og kaso batok sa DSMI tungod sa “conspiring and confederating with each other, falsified the commercial documents that were submitted or uploaded to the Land Transportation Office Do-ItYourself System.”
Si LTO Assistant Secretary Edgar Galvante, sa usa ka suwat niadtong Oktubre 20, 2020, nihatag og pagtugot kang Caindec sa pagpasaka sa kaso.
Ang pito ka mga kawaning respondents mao sila si Dr. Silvestre A. Lumapas Jr., presidente sa DSMI; Marilou Lumapas, corporate secretary sa DSMI; Renie L. Tumon; Joann C. Lanzaderas; Julio Arabejo Jr.; Rovelyn G. Ranises; ug Emelita A. Binarao.
Gawas sa mga Lumapas, ang uban pulos mga kawani sa DSMI nga gidestino sa
DSMI Briones Highway, Mandaue City Branch.
Giingong falsification
Matod sa resolusyon sa Mandaue City Prosecutor’s Office nga gipetsahan og Marso 15, 2021, mga kawani sa DSMI ni-download o niduso ngadto sa Do-It-Yourself System invoices sa LTO nga dunay managlahi nga entries, labina sa mga petsa, utandi sa kopya sa samang invoices nga gipabilin sa DSMI ug official nga resibo ug delivery receipt nga giisyu ngadto sa mga kustomer.
“The date in the sales invoice submitted to LTO is essential for it will defeat the period fixed by law in the registration of motor vehicles, and it may entail a possible penalty or legal consequences as a result of the alteration,” sumala sa resolution nga gipirmahan ni City Prosecutor Mary Francis Daquipil.
Nipresentar ang LTO og siyam ka nagkalainlaing invoices aron pagsuporta sa reklamo.
Usa ka invoice nadiskobrehan nga “gi-falsify” human ang usa ka LTO enforcer nidakop kang Nick Salaritan, tagiya og motorsiklo, niadtong Marso 6, 2020.
Ang iyang sales invoice nagpakita nga ang iyang motorsiklo gibaligya og P119,000 sa DSMI Capacio Building, National Highway, Luray 1, Toledo City
Branch sa Disyembre 19, 2020.
Kini giingong nasukwahi sa gitaho sa Do-It-Yourself System, nga alang sa unit nga nabaligya sa Pebrero 10, 2020 og P155,000 sa DSMI Mandaue
City Branch.
Laing walo ka invoices nadiskobrehan sa Marso 5, 2020 pinaagi sa on-site inspection sa DSMI A. Cortes, Mandaue City Branch.
Counter affidavit
Ang respondents nakadawat subpoena sa Enero 28, 2021, naghangyo kanila sa pag-submit sa ilang counter-affidavit.
Silang tanan girepresentahan ni Atty. Michael Cañete.
Sa ilang counter-affidavits, silang tanan niinsister nga mga inosente, base sa mosunod nga mga rason:
* Corporate officers ug mga kawani way tulubagon sa giingong kalapasan sa kompaniya sa probisyon sa Revised Penal Code gawas kon ang nahisgutang probisyon personal nga nagpahamtang kanilag tulubagon.
* Way piho nga alegasyon ug kamatuoran sa ilang personal ug tagsa ka dayag nga buhat ug aktibong kalambigitan sa giingong falsification.
* Way positibo ug tino nga kamatuoran sa giingong panagkunsabo. Ang mga pamhayag ni Caindec sa iyang affidavit-complaint wa maghisgot sa personal
nga kasayuran sa mga kamatuoran, busa mga hungihong ug di mapamatud-an o way balor isip ebidensya. Si Caindec ang tukmang tawo ug way Locus
Standi. (NRC uban ni REV)