SUPERBALITA CEBU

Medical workers pang prayoridad

GIKLARO sa Department of Health (DOH) Central Visayas nga ang medical frontliners ang makadawat sa stock nga bakuna karon tungod kay di pa igo aron sugdan ang senior citizens nga sunod sa priority list.

Nipasabot ang DOH 7 niini human ang mass vaccination sa usa ka mall sa syudad sa Sugbo sa Huwebes, Abril 15, 2021, diin senior citizens niadto apan gipangbalibaran.

Matod ni Dr. Mary Jean Loreche, spokesperson sa DOH 7, nga sa Abril 15 aduna lay 178,560 ka doses sa mga bakuna ang ilang nadawat sukad sa Marso.

Apil na niini ang 44,400 doses sa Sinovac nga naabot niadtong Miyerkules, Abril 14.

Matod ni Loreche nga adunay 131,781 ka medical health worker ang nalista sa ilang A1 priority list. Busa, nagkinahanglan silag dobleng doses sa mao nga gidaghanon alang sa second dose kun 263,562 doses sa kinatibuk-an.

Sigon ni Loreche nga mamahimo ra nga makasugod ang mga pasilidad sa pagbakuna sa senior citizens kon nahuman na sila sa pagbakuna sa tanang medical workers.

Sa laing bahin, ang DOH 7 mianunsyo nga adunay dugang 30 ka mga nurse ang

ipadala na sab ngadto sa NCR Plus sa Biyernes, Abril 16, alas 5 sa hapon.

Kini dugang sa 50 ka medical workers nga unang gipadala ngadto sa imaging semana.

Ang 20 ka medical workers ipadala ngadto sa National Center for Mental Health ug ang 10 ngadto sa Las Pinas General Hospital.

Nisaad ang Office of Presidential Assistant for the Visayas (OPAV) nga magpadala ngadto sa NCR plus og 100 ka mga medical worker isip dugang pwersa sa pakigbatok sa virus. (KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!