SUPERBALITA DAVAO

PSSCC andam na sa pag-ulan

Hulagway iya sa Pagasa-DOST

NAKA-STANDBY na 24-oras ang Public Safety & Security Command Center (PSSCC), uban sa Davao City Central 911, sa posibleng kusog nga hangin ug pag-ulan nga dala sa typhoon Bising nga nakasulod na sa Philippine Area of Responsibility (PAR).

Posibleng makasinati ang Davao Region sa mga pag-ulan, kasarangan ang hangin, ug dunay pagpanalugdog ug kidlat.

Subay sa weather advisory nga gipagula sa Pagasa alas 11 kagahapon sa buntag, Abril 16, 2021, si Bagyong Bising nakasulod na sa PAR ug nahimo na kining usa ka bagyo.

Subay sa forecast track, molihok ang bagyo pataas ug di kini direkta nga mokuso-kuso sa kayutaan apan ang kadagatan duol sa Eastern Visayas ug Bicol Region kuso-kusohon sa hangin nga moresulta sa dagko nga mga balud nga magsugod karong Dominggo.

Sa available data, ang Tropical Cyclone Wind Signal #1 gipataas sa mga dapit sa Northern Samar ug Eastern Samar kagabii.

Sa mosunod nga 24 oras, ang bagyo mopabalud sa kadagatan nga dunay gitas-ong 2.8 ngadto na sa 4.5 metros sa tibuok eastern seaboards sa Visayas ug Mindanao.

Gipahimangnoan sa awtoridad ang mga mangingisda nga di una molawod gumikan sa posibleng dagko nga mga balud.

Subay sa forecast track, molihok si Bising west-northwestward hangtud sa Lunes gikan sa pagsulod niini sa PAR alas 6:20 sa buntag Biyernes.

Giingon nga dunay posibilidad nga di mo-landfall si Bising diin hinayhinay lamang kining matunaw samtang gatuyok sa kadagatan.

Alas 8 sa buntag Biyernes, si Bising gibutang na sa Typhoon category.

Tungod niini, ang Davao City posibleng makasinati og kusog sab nga mga pag-ulan, busa ang mga hintungdang ahensiya ngari, andam na sa pag-rescue sa posibleng mga maipit sa kalamidad. (Jeepy P. Compio)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph