Active Covid-19 cases sa Oro anaa sa 278, recovery rate miubos

PADAYON ang pagsaka sa ihap sa mga aktibo nga kaso sa Cagayan de Oro ug miubos usab ang recovery rate niini, sumala sa report sa City Health Office.

Miabot sa 4,412 ang kinatibuk-ang ihap sa mga kaso sa Covid-19 sa dakbayan, ug ang mga aktibo nga kaso anaa sa 278.

Matud sa City Health Office, nakatala ang syudad og 10 ka mga local cases with link, tulo ka mga lokal nga authorized persons outside residence (Apors), ug 12 ka local index nga mga kaso.

Sumala sa report ni Acting City Health Officer Dr. Lorraine Nery, sa 4,412 nga kinatibuk-ang kaso sa Covid-19, 435 niini mga ROFs/LSIs ug 3,977 ang mga local transmissions.

Ang Cagayan de Oro adunay 278 ka mga active cases, 84 niini na-admit sa Northern Mindanao Medical Center ug uban pang mga ospital sa syudad, 186 ang mga outpatients, ug walo ang mga ROFs/LSIs.

Nakatala usab og 11 ka mga coronavirus-positive nga mga kaso nga karon naka-recover. Anaa na karon sa 3,931 ang ihap sa mga nakarekober nga mga kaso sa dakbayan.

Sa maong numero, 304 ang mga LSIs, 121 ang mga ROFs, ug 3,506 ang mga lokal nga kaso (community: 2,974; Apors: 532).

Ang recovery rate sa Cagayan de Oro anaa na sa 89.09 percent.

Ang ihap sa mga namatay sa Covid-19 sa syudad naa sa 203.


SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!