NAKATALA og 27 ka gma bag-ong kaso sa coronavirus disease (Covid-19) ang Cagayan de Oro, pulos mga local transmissions, sumala sa report sa City Health Office Sabado, Abril 17.
Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 4,439.
Matud sa City Health Office, sa 27 ka mga bag-ong lokal nga kaso,usa ang mga lokal authorized persons outside residence (Apors), 18 ang mga local index nga mga kaso, ug walo ang mga local case with link.
Sa 4,439 nga kinatibuk-ang kaso sa Covid-19 sa syudad, 435 ang mga returning overseas Filipino workers/locally stranded individuals (ROFs/LSIs) ug 4,004 ang mga local transmissions.
Ang Cagayan de Oro adunay 286 ka mga active cases, 88 niini na-admit sa Northern Mindanao Medical Center ug uban pang mga ospital sa syudad, 191 ang mga outpatients, ug walo ang mga ROFs/LSIs.
Nakatala usab og 19 ka mga Covid-positive nga mga kaso nga karon naka-recover, 13 niini mga Covid-positive nga negatibo ang ilang repeat swab og unom ang mga certified recovered. Anaa na karon sa 3,950 ang ihap sa mga nakarekober nga mga kaso sa dakbayan.
Sa maong numero, 304 ang mga LSIs, 122 ang mga ROFs, ug 3,524 ang mga lokal nga kaso (community: 2,991; Apors: 533).
Ang recovery rate sa Cagayan de Oro anaa na sa 89 percent.
Ang ihap sa mga namatay sa Covid-19 sa syudad naa sa 203.