SA WALA pa kasaulogan sa Eid al Fitr, ang lokal nga panggamhanan sa Siyudad sa Davao midalit na og mga gift packs ngadto sa 1,000 pamilya sa Muslim communities niadtong Biyernes, Abril 16, 2021.
Ang presidente sa Muslim Islamic Foundation Muhammad Al-Khulaqi nagpasalamat sa nasyonal ug lokal nga panggamhanan sa ilang nadawat nga mga gift packs nga gi-apud-apod pinaagi sa mga personahe sa Task Force (TF) Davao.
"Thank you so much for your gift to our Muslim brothers and sisters. It is not the first time you did that with us, many times. We shall be forever [grateful] with [your gift to] us," ingon ni Al-Khulaqi.
Samtang sa selebrasyon sa ika-18 anniversary sa TF Davao, midalit sab sila og mga food packs ngadto sa dugang 1,000 beneficiaries nga sagad mga Internally Displaced Persons sa Marawi Siege, mga traysikad drayber sa Roxas Avenue, mga vendors sa public areas, pantalan, terminal, Bantay-Dagat volunteers, ug sa mga bankero sa pantalan sa Sta. Ana.
"This is to thank them for their support during community exercises as they are considered as our eyes and ears in our operations," sulti ni TF Davao Commander Consolito Yecla kinsa nagpasabot sab mga atol sa distribusyon gipatuman gayod ang istriktong minimum public health protocols. (Jeepy P. Compio/CIO)