AGI'G dugang sa duha ka Covid-19 vaccination hubs gihimo sa lokal nga panggamhanan sa Siyudad sa Davao ang Buhangin Elementary School nga maoy mo-cater sa Barangay Health Emergency Response Teams (Bherts) sugod karong Martes, Abril 20, 2021.
Ang nahisgutang tulunghaan maoy ikatulo nga vaccination hub sa lokal nga panggamhanan sa Davao, diin ang nauna mao ang A. Mabini Elementary School ug ang Magallanes Elementary School.
"On the first two days, the hub will be catering BHERTS assigned in District Health Centers from the First and Second Congressional Districts," ingon ni Dr. Josephine Villafuerte, head sa City's Vaccination Cluster.
Dugang ni Villafuerte nga ang district health officers nagpahibalo na sa mga barangay gikan sa first ug second congressional districts nga magpadala og walo ka actively working Bherts sa maong vaccination hub.
Ang Bherts gikan sa second congressional district naka-schedule nga modawat sa ilang anti-Covid jabs karong adlawa Abril 20, samtang ang gikan sa first congressional district ugmang adlawa, Abril 21. (Jeepy P. Compio/CIO)