SUPERBALITA CEBU

Crane operator nalumos

Usa ka crane operator nalumos dihang mi-dive sa dagat sa Hinagdan Beach sa Brgy. Binongkalan, lungsod sa Catmon, alas 2:45 sa hapon sa Dominggo, Abril 18.

Giila siya sa kapulisan nga si Rodulfo Solante Cabahug, 37, taga Brgy. Tejero, Dakbayan sa Sugbo.

Si Police Senior Master Sgt. Ben Navales, imbestigador sa Catmon Police Station nga nahinabi sa Superbalita nagkanayon nga si Cabahug uban sa iyang kapuyo uban sa duha ka menor de edad nga anak nag-picnic sa Hinagdan Beach.

Si Cabahug ni-dive sa pangpang diretso sa dagat nga may gitas-on nga 10-15 metros gikan sa ibabaw.

Human mi-dive si Cabahug, nabantayan sa mga nangaligo nga nilutaw nga walay panimoot.

Si Cabahug gidali sa pagtabangug gidala sa ngadto sa Juan Dosado Memorial Hospital sa lungsod sa Sogod, pero patay na kini.Nagtuo sila nga giataki si Cabahug human sa pag-dive. Nilangoy pa kini og mga 20 metros paingon sa daplin sa pangpang. Giklaro ni Navales, nga walay foul play ang kamatayon ni Cabahug.

Matod ni Navales, taas kaayo ang pag dive ni Cabahug kay sama sa usa ka punoan sa lubi ang gitas-on niini.

Daghang nangaligo nga nakakita nga wala kini nasabod sa bato o bisan unsang butang diin ang mga cottages naa ra sa daplin sa pangpang. (GPL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph