SUPERBALITA CEBU

3 ka branches sa Des Strong gipamulta sa LTO og P3K

3 ka branches sa Des Strong gipamulta sa LTO og P3K. (File photo)

Gipamulta sa Land Transportation Office (LTO) Central Office og P100,000 matag usa ang tulo ka branches sa Des Strong Motors Inc., base sa hukom niadtong Pebrero 24, 2021.

Sa resolution nga gipirmahan ni Assistant Secretary Edgar Galvante, nakalapas sa Adminitrative Order No. AVT-2014-023 ang ilang duha ka branches sa Danao City ug usa sa Toledo City.

Base sa imbestigasyon, ang tulo ka branches ni-release og unit nga wala ma-rehistro ug pakyas pagrehistro sa motorsiklo sulod sa pito ka adlaw human sa pagbaligya.

Aduna say giingong mga pagpanglimbong sa ilang stock sales periodic report nga giduso.

Base sa decision niadtong Marso 4, 2020, ang motorsiklo nga gipanag-iya ni Nick Salaritan nadakpan dinhi sa Region 7 nga way plate number ug walay official receipt (OR) ug certificate of registration (CR) nga iyang napalit sa Toledo branch.

Matod ni Galvante nga giisyohan nila og show cause order ang Des Strong Motor Inc. pinaagi ni Dr. Silvestre Lumampas nga maoy ilang presidente, apan giingong way reply nga nadawat ang LTO.

Susamang apprehension nahitabo niadtong Pebrero 27 ug March 4 diin ang motorsiklo nila ni Kirk Gregor Alarin ug ni Aileen Tangalan nadakpan gihapon sa mga awtoridad sa susamang violation nga ilang napalit sa Danao branch.

“Commission of fraud and misreprentation in the form of misreporting and the submission of fraudulent stock sales periodic reports as required by law, rules and regulations,” sa decision ni Galvante. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph