SUPERBALITA CEBU

Masks iapod-apod sa Kapitolyo sa police stations

Photo by pexels

Gahinan sa Kagamhanan sa Lalawigan sa Sugbo og supply sa masks ang tanan nga police stations sa lalawigan sa Sugbo.

Kini maoy gi-pahibaw ni Cebu Gov. Gwendolyn Garcia sa mga tigbalita sa Abril 19, 2021.

Ang mga mask ipanghatag sa mga Sugboanon nga masakpan nga wa mag mask.

Subay usab kini sa planong pagpapas na sa kamandoan pagpamulta sa mga Sugboanon sa Probinsya kon masakpan nga wala mag sul-ob og mask.

Una na nga nipasidaan si Garcia sa kapulisan nga dili dakpon, silotan ug pamultahon ang mga violator.

Alang kaniya, usa kini ka paagi sa oppression o pagdaogdaog.

Matod niya nga labing apektado niini ang mga kabus sa probinsya.

Gikwestyon ni Garcia ang proper accounting sa mga multa nga makuha gikan sa mga violator, ingon man kon duna bay lehitimong resibo.

“This is not about telling people not to wear mask,” matod ni Garcia sa Abril 19.

“Di ko moingon tanan pero naa diay nay klarong resibo? Unya og ang fine P300 unya pangayoan og P500, naay resibo ana?

Is there proper accounting for these fines? How would you know? Nga naay police nga ang gidakop lima, tulo ray gi buhian. It leads to corruption, it’s oppression,” matod ni Garcia.

Ang supply sa masks magagikan sa P3 milyones nga balor nga donasyon gikan sa Department of Social Welfare and Development (DSWD).

Nagpasalamat si Garcia sa suporta sa kapulisan kaniya, ilabi na sa bag-ong provincial director, Police Colonel Engelbert Soriano, pagsiguro nga way pulis nga maapil sa korapsyon ug pagpanagmal sa mga violator.

“I would like to personally thank PRO-7 General Montejo and of course our new PD Col. Soriano for supporting my position that we should not require those who violate the mask policy to pay fines. They can be reminded and now I am telling you that is really a good policy nga hatagan og mask,” matod ni Garcia.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph