Senior citizens nagpabakuna

Gidagsa sa senior citizens ang unang adlaw sa pagpamakuna batok sa coronavirus disease 2019 (Covid-19) sa Robinsons Galleria ug Univeristy of Cebu (UC) Banilad campus, Abril 19, 2021.

Si Dr. Jeffrey Ibones, pangulo sa City Health Department, nagkanayon nga niabot na og kapin 796 ka seniors ang nabakunahan og Sinovac sa duha ka vaccination sites sukad kagahapon sa buntag.

Si Konsehal Dave Tumulak, ang gitahasan ni Mayor Edgardo Labella sa pag-coordinate sa venues, nagkanayon nga mismo siya nakurat gumikan sa kadaghan sa mga senior citizen nga andam magpabakuna aron malikay sa virus.

Ang City Government nagtinguha nga nakabakuna og 1,000 ka senior citizens matag adlaw sugod karon, Abril 20.

Ang City Government adunay 4,600 ka doses Sinovac nga ilang gitagana para sa mga hamtong ug mangayo pa sila og dugang bakuna gikan sa national government, dugang ni Ibones.

Si Tumulak, sa iyang bahin, nagkanayon nga naka-schedule nga bakunahan karon, Abril 20, ang mga senior citizen gikan sa barangay Banilad ug Talamban nga adto ipahigayon sa UC-Banilad samtang, ang Basak Pardo, Poblacion Pardo ug Kinasang-an adto sa Robinson Galleria.

Sa Abril 21, ang Barangay Apas ug Luz adto sa UC-Banilad samtang ang Lorega San Miguel, Hipodromo adto sa Robinson Galleria ug sa SM Seaside City ang Basak San Nicolas.

Sa katapusang adlaw, Abril 22, ang Barangay Lahug adto sa UC, Tinago adto sa Robinson ug ang Guadalupe adto sa SM Seaside. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph