SUPERBALITA CEBU

Ormoc mayor: Community pantry usa ka maayong lakang

LEYTE. Ormoc City Mayor Richard Gomez. (Tampo nga hulagway)

SUPORTADO ni Ormoc City Mayor Richard Gomez ang pagdagsa karon sa mga community pantries taliwala sa giatubang nga krisis tungod sa coronavirus disease (Covid-19).

Matod ni Gomez, usa kini ka maayong lakang para mahibalik ang bayanihan spirit sa mga pilipino nga nag anam anam og kawala.

"The nice thing about this community pantry is it strengthens again our Filipino bayanihan spirit that is slowly getting lost in our everyday culture," matod sa mayor.

Gipadayag usab sa mayor nga pagsugod pa lang sa pandemya, giawhag na usab sa lokal nga kagamhanan ang mga lumulupyo sa pagtanum og utanon hinungdan nga namugan ang USO o Utanon Sa Ormocanon.

Gusto sa mayor nga mo lungtad gyod ang paghatag og ayuda sa mga apektado sa Covid-19 pinaagi sa pagtanom og utanon.

"In the beginning of the pandemic, our initiative was to let our people in the community plant vegetables in open land all over the city. We gave away seeds and we still do from our agriculture office because I believe it is more sustainable," matod ni Gomez.

Nakita usab sa mayor nga maayo sab ang community pantry sa mga barangay nga gi-lockdown tungod kay dili basta basta makagawas ang mga residente aron mamalit og pagkaon sa laing lugar.

Sa paghimo ning balita, duha ka mga grupo na ang nagtukod og community pantry sa Ormoc City.

Mao kini ang SPC High School Batc '88 sa dan Lopez Jaena ug ang Leyte Electric Cooperative (Leyeco) V sa Barangay San Pablo.

Libre kini sa tanan hilabi na ang mga kabus nga apektado sa Covid-19.

Gihangyo lang ang tanan nga mo tuman sa social distancing ug pagsul-ob sa face mask ug face shield. (JKDP)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!