MOSUMADA sa 93,468 ka mga senior citizens ang anaa karon sa master list sa Davao City Government nga makadawat sa anti-Covid shots nga magsugod human sa pagbakuna sa mga medical frontline workers.
Sumala ni Dr. Josephine Villafuerte, ang head sa Vaccination Cluster sa Davao City, nga gilauman ang pagtaas pa sa ihap sa mga magpabakuna sanglit nagpadayon ang registration niini.
Ang target sa siyudad nga mabakunahan mokabat sa 120,000 Dabawenyos ubos sa Priority Group A2 kun mga senior citizens.
"The master listing is being done by two offices, which is the City Health Office (CHO), through the District Health Offices and the Office of the Senior Citizen (Osca) under the City Social Welfare and Development Office (CSWDO)," ingon ni Villafuerte.
Ang venue alang sa vaccination, suma ni Villafuerte nga gi-cluster kini ug dunay plano nga himuon sa matag district health offices.
Apan sa mga senior citizens nga molagpas sa 70 anyos, ang vaccine cluster niini giplanohan pa.
"We are set to meet with the different hospitals in Davao City on the other vaccination hubs for the senior citizens who are 75 above, considering their comorbidities," niya pa.
Ang City Government of Davao padayong nagbakuna sa mga frontline workers niini nga anaa ubos sa Priority Group A1. (Jeepy P. Compio/CIO)