MISAKA ang ihap sa mga aktibo nga kaso sa Cagayan de Oro human 10 ka mga bag-ong kaso sa Covid-19 ang natala sa dakbayan.
Miabot sa 4,488 ang kinatibuk-ang ihap sa mga kaso sa Covid-19 sa dabayan, ug ang aktibo nga kaso anaa sa 302.
Sa 10 ka mga bag-ong kaso, usa niini local case with link, tulo ang mga lokal nga authorized persons outside residence (Apors), ug unom ang mga lokal index nga mga kaso.
Matud ni Acting City Health Officer Dr. Lorraine Nery, sa 4,488 nga kinatibuk-ang kaso sa Covid-19, 435 niini mga ROFs/LSIs ug 4,053 ang mga local transmissions.
Ang Cagayan de Oro adunay 302 ka mga active cases, 98 niini na-admit sa Northern Mindanao Medical Center ug uban pang mga ospital sa syudad, 196 ang mga outpatients, ug walo ang mga ROFs/LSIs.
Nakatala usab og pito ka mga coronavirus-positive nga mga kaso nga karon naka-recover. Anaa na karon sa 3,983 ang ihap sa mga nakarekober nga mga kaso sa dakbayan.
Sa maong numero, 304 ang mga LSIs, 122 ang mga ROFs, ug 3,557 ang mga lokal nga kaso (community: 3,011; Apors: 546).
Ang recovery rate sa Cagayan de Oro anaa sa 88.74 percent.
Ang ihap sa mga namatay sa Covid-19 sa syudad naa sa 203.