Talk to Papa Joe: Nagmahay gisugot

Dear Papa Joe,

Ako diay si Luz, 60 years old na ug ania ko sa Cebu City sa pagkakaron kay nag-follow up ko sa papelis sa namatay nakong bana baghuay lang. Taga probinsya gyud ko pero nia ko diri para makaduaw sad sa akong mga anak ug likay sad sa kamingaw.

Karon naa koy na amigo diri nga 60 sad ang edad nanguyab nako. Tungod sa kaluoy, akong gisugot unya masakiton lagi sa kasingkasing ug kidney. Karon murag gamahay ko ngano ako gisugot kay basin di mouyon akong mga anak kay bag o pa gani namatay ilang papa, naa nasad koy lain. Unsaon man nako pagbuwag ani? Tambagi ko.

LUZ

Luz,

Pagsugod palang daan imo na tang gihuna-huna pag-ayo sakto ba ang imong desisyon ug di lang sa kaluoy. Basin nahigugma gyud ka pero sa kahadlok nimo sa imong mga anak, mao napugos lang sad ka nga buwagan unya mahayan na sad nimo. Klaruha sa na ang imong hunahuna. Pero kon gusto gyud ka buwagan, aw prangkahan ra gyud na nimo nga wa nay lain kay sa bakakan nimo siya sa tinuod nimong pagbati ug sitwasyon.

PAPA JOE

(para sa inyong tampo ipadala lang sa papajoesuperb@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph