SUPERBALITA CEBU

Diputado: Buhat ang pasultion

Cuentas Claras

Bisan unsa na lang ang masulod sa hunahuna sa mga tawo karong panahona. Tungod ba kaha kay giawhag man ang kadaghanan nga mag-stay at home lang kon way importanteng lakaw, makalingaw ning hunahuna sa ubang mga tawo.

Pananglit, dunay petisyon nga gipapirmahan karon nga naghangyo nga mo-resign si Pres. Rodrigo Roa Duterte (PRRD) tungod kay wala sila makauyon sa gihimo ni PRRD batok sa Covid-19.

Kining maong grupo nagtawag sa ilang kaugalingon nga “Save the Nation! Duterte Resign!’

Gusto nila nga paundangon si PRRD pagka-presidente unya ipuli si Vice President Leni Robredo.

Susmariosep.

* * *

Kinsa man gyoy maayong laki nga mosagubang sa Covid nga karon pa man mogawas ning sakita ni?

Tanang gihimo karon sa mga nasod sa tibuok kalibotan matawag nato og trial and error kay karon pa ni mahitabo. Walay igong kapasikaran kon unsa gyod ang angay o hustong buhaton.

Pasabot, way maayong laki aning klaseha sa kontra.

Kon si VP Leni Robredo kaha?

Segurado, lahi pod ang style ni Robredo, kon ikomparar sa style ni PRRD.

Pero dili pa segurado kon ang style ni Robredo epektibo ba.

Ngano man?

Tungod kay wala pa man siya makasulay. Ang gihimo niya karon igo man lang mosaway sa gihimo ni PRRD. Igo man lang mo-komentaryo sa mga gihimo ni PRRD.

* * *

Bisan pa og moabot sa usa ka milyon ang mamirma sa maong petisyon, husto na ba kini nga hinungdan nga mohawa si PRRD?

Alang kanako, dili gihapon.

Mas daghan ang mibotar ni PRRD pagka-presidente kay sa mga tawo nga gusto mohawa siya. Ikaduha, taas kaayo ang trust rating ni PRRD bisan pa kon padung na siya mohawa pagka-presidente sunod tuig sanglit 6 ra man ka tuig ang iyang termino.

Ikatulo, sa akong nahinumdoman, bugtong si PRRD lang ang pinakataas og trust rating bisan padung na siya mohuman sa iyang termino. Bisan si VP Leni Robredo wala makatungtong sa maong dako nga trust rating.

Ika-upat, hapit na man mahuman ang termino ni PRRD, wala nay hinungdan nga pulihan pa siya.

Maayo pa tingali, gamiton na lang sa maong grupo ang nahibiling panahon sa pagkampanya na lang sa kandidatora ni VP Robredo nga maoy mahimong sunod nga presidente.

* * *

Kon buhat ang pasultion, wa gyoy makalalis nga maka-masa gyod si Gov. Gwen Garcia.

Bisan pa sa pagtutol sa mga doctor, miinsister gyod si Gov nga hatagan na og kahigayonan nga makabangon og balik ang ekonomiya sa Cebu pinaagi sa pagpaluag sa protocol.

Gawas pa niini, mimando pa gyod ang gobernadora nga wagtangon ang penalty nga kwarta sa masakpan nga dili mag-mask.

Gitugotan sab niya ang mga tindahan, mga kan-anan, mga imnanan ug mga hotel nga mobalik na sa ilang mga patigayon, bisan kon dakong supak niini ang mga dkctor.

Makita nimo dinhi ang iyang kasingkasing naa gyod sa mga yanong lungsoranon, butang nga giuyonan sab ni PRRD atol sa ilang pagbisita sa Malakanyang dili pa lang dugay.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph