Dili ikalalis nga usa ka pulis, bisan patay na, ang mahimo nga posibling suspek sa pagpusil-patay sa usa ka babaye nga si Richie Nepumoceno sa Basak Pardo, Dakbayan sa Sugbo niadtong Lunes sa gabii, Abril 19.
Si Nepumoceno naigo sa iyang nawong samtang nagbarog daplin sa karsada sa naasoy nga dapit.
Naila si Nepomuceno sa publiko human iyang gipasakaan si Police Staff Seargent Celso Colita og kasong rape, robbery ug extortion.
Tungod niini, dili ba klaro nga person of interest si Colita? Isip pagrespito sa nakita sa imbestigasyon sa kapulisan, ato lang paabuton ang resulta nini, lakip ang hugonhugon nga love triangle nga anggulo.
Si Colita namatay pipila ka oras human gipatay si Nepomoceno. Unsa man diay na, PNP imvestigator?
Angayan intawon na nga iapil sa imbestigasyon kabahin sa kamatayon sa pulis kinsa gikiha ni Nepomoceno.
Tinuod patay na si Colita apan tan-awa sab ang kahimtang sa kamatayon ni Nepomoceno, ginawong pagpusil sa riding-in tandem.
May gani wa moingon ang imbestigador nga ang suspek sa pagpatay ni Colita mao si Nepomoceno.
Ang gipagawas sa imbestigasyon sa kamatayon ni Colita mao ang paghikog pinaagi sa pagpusil sa iyang ulo.
Samtang, ang nitumaw anggulo sa pagpatay kang Nepumoceno mao ang love triangle ug gidiling drugas.
Morag makita nga klaro ang paglaban kang Colita. Samtang ang anggulo sa kamatayon ni Nepomoceno kauwawan sa iyang pamilya.
Philippine National Police (PNP), iklaro palihog ang paghatag og hustisya.