SUPERBALITA CEBU

Gimingaw sa misis maghikog unta

GIMINGAW: Tungod sa grabeng kamingaw ngadto sa iyang kapikas nga usa ka Overseas Filipino Worker (OFW) ang 35 anyos nga lalake, lumad nga taga-Las Piñas City, Metro Manila ug kasamtangang nagtrabaho sa lungsod sa Lilo-an, Sugbo ang suway nag mo-ambak sa first Mactan-Mandaue Bridge, buntag sa Martes, Abril 20, 2021. Kasamtangang gi-divert ang mga sakyanan nga mosubay sa maong tulay sa dihang rescue truck sa Bureau of Fire Protection sa Dakbayan sa Lapu-Lapu ang nibabag sa taytayan aron pag-rescue sa lalake nga nagpatong sa ibabaw nga bahin sa tulay. Nakombinser ra ang lalaki nga mokanaog. / Lapu-Lapu City Disaster Risk Reduction and Management Office

Napakgang ang tinguha untang pag-ambak sa Mandaue-Mactan Bridge sa usa ka lalake kagahapon sa buntag, Abril 20, 2021.

Kini human nga nasalbar ang lalake sa mga sakop sa Lapu-Lapu City Fire District nga miresponde sa alarma.

Ang lalake, 35, lumad nga taga-Las Piñas City, Metro Manila ug kasamtangang nagtrabaho sa Lungsod sa Lilo-an, Cebu.

Matod ni SFO1 Conarcani Ortiz kinsa maoy usa sa nakig-istorya sa lalake, ang lalaki nikatkat sa steel trusses sa taytayan kay naproblema sa asawa ug nisuway suway paghikog pinaagi sa pag-ambak sa taytayan. Giingong ang asawa niini wala mopauli gikan sa Saudi Arabia sulod na sa duha ka tuig unya na-extend pa og laing duha ka tuig hinungdan nga kini naguol.

“Ako siyang giingnan nga atong tawagan ang agency para magka-istorya nato imo asawa mao to iya gihatag ang number pero wala siya kabantay nga naa tay kauban nga ni manuever sa kilid ug gihigtan dayon siya mao amo nakapanaog,” matod ni Ortiz.

Samtang naglingaw sa pakighinabi ang lalake ni Ortiz wala kini makamatikod nga adunay laing bombero nga misaka kilid sa iyang nahimutangan nga daling migunit kaniya.

Awhag ni Ortiz sa mga dunay gihambin nga suliran nga dili magdali-dali sa ilang desisyon ug katkat sa taytayan sanglit ang tanang problema adunay solusyon.

Gibutyag ni Ortiz nga base sa iyang pakighinabi sa lalake tarong man kini manulti apan napuno lang gyud siguro sa iyang problema. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph