Aduna diay death threats nga nadawat kadtong babayeng gibanhigan-patay niadtong Abril 19, kinsa maoy reklamante sa 11 ka pulis nga sakop sa Sawang Calero Police Station, Cebu City Police Office.
Apan kumpiyansa ra si Ritchie Nepomuceno, 35, sa iyang kaluwasan ug wa mangayo og security detail sa Witness Protection Program.
Kini maoy gitug-an sa chief investigator sa Commission on Human Rights Central Visayas Leo Villarino, human nga unang nidangop sa ilang buhatan si Nepomuceno aron magpatabang sa iyang kaso.
Ang CHR 7 nisang-at og kaso batok sa 11 ka mga pulis sa Sawang Calero sa reklamong extortion ug pagpanglugos sa usa kanila ngadto ni Nepomuceno.