SUPERBALITA CEBU

Ciar: Kenny Dhave Cañedo “Ang Mariah Carey ng Cebu”

Nag-viral ang music video sa usa ka 19-anyos nga taga-Pakigne, Minglanilla, Cebu tungod kay kuha kaayo niya ang tingog ug bisan ang pag-whistle ni Mariah Carey.

Si Kenny Dhave Cañedo samot miani og atensyon dihang gi-feature siya ni Pinky Webb sa Live CNN Philippines sa miaging semana.

Komento pa sa mga netizen, “Kenny is so on point when it comes to technicality, the breathing, control, timing, belting and good tone of falsetto. In short, he nailed it.”

Si Kenny unang nag-viral sa iyang Mariah Carey sing-alike dihang 15 anyos pa lang siya. Una siyang nigawas sa Rated K ni Korina Sanchez niadtong 2017 diin iya pang naka-jam ang mga hurado sa Tawag ng Tanghalan sa It’s Showtime. Samtang nagka-edad samot pa nabaid ang iyang tingog ug pagkanta sa mga immortal hits ni Mariah Carey.

Gani siya ang labing unang Happystar grand champion sa Happyfive DigiTV, usa ka online singing contest nga gipahigayon sa miaging tuig.

Basaha ang iyang estorya ug kon unsay iyang kinabuhi luyo sa mga nag-viral niyang video isip “Mariah Carey ng Cebu.” Kenny Dhave Cañedo, Ssssuper Ka!

Nganong si Mariah Carey man imong idol?

Three years old pa lang ko hilig na jud ko mokanta og Mariah Carey. First song ni Mariah nga akong nahibaw-an “Love Takes Time.” Tingali tungod kay maoy pirme nako madunggan sa bata pa ko mao nga grabe iyang recall nako. Pero ang pinaka-master jud nako nga kanta ni Mariah is “Butterfly.” Kadtong nakadaog ko sa Happystar akong gikanta, “Shine” by Regine Velasquez.

Asa man ka unang nag-viral?

Sa mariahfan page then daghan niingon nga kaboses daw ko ni Mariah. Nag-download pud ko sa smule (No. 1 social singing app). Pag-2017 diha ko nisuway og cover sa mga kanta ni Mariah. Pinakadaghan nakong views kadtong cover nako ni Mariah nga “Lead The Way” nga niabot og 1 million. Wa ko nag-expect nga mag-viral akong videos. Gi-share pud nila sa Facebook ug YouTube until gihimoan na og mga reaction video mao to nga na-featured ko sa Rated K. Then gipa-jam ko during commercial break with the hurados sa Tawag ng Tanghalan sa It’s Showtime. Di kabayran ang experience especially that it was my first time in Manila.

Duna kay formal lesson sa music?

Wala. Ako-ako ra. But every morning mag-vocalize ko. Mokanta og mga lisud like “All By Myself” ug sometimes mag-whistle-whistle. I was only three when I first won in a singing competition. Then nasundan dihang akoy ni-represent sa Lipata National High School. Na-grand finalist pud ko sa Minglanilla Idol. Last November 18, 2020 akoy Happystar grand champion sa Happyfive DigiTV. Nakadawat kog P20,000 cash prize and trip to Hongkong pero tungod sa pandemic wala pa ko kalarga.

Gawas ni Mariah kinsa pay imong idol?

Locally, silang Kyla, Regine, Morissette, Sarah G and Jonalyn. Sa foreign silang Celine Dion, Whitney Houston, Jennifer Hudson, Beyonce, Ariana Grande, and Tori Kelly.

Unsay imong gikabisehan karon?

Mag-answer sa akong module then usahay mag-upload og mga kanta. Naa ra mi sa balay kay hadlok mi sa Covid. Kaluoy sa Ginoo wala ray na-Covid sa among pamilya. 10 mi ka managsuon and I’m second to the youngest and they’re all very supportive.

Unsay imong wish?

Ang makahuman og eskwela ug mahimong professional singer aron makatabang ko sa akong pamilya. Lipay kaayo ko nga na-recognized as the male version of Mariah Carey kay nakatabang ni sa akong self-confidence cuz I’m actually shy in real life and the silent type. That’s why when I perform I don’t wear wigs or wear make-up kay mauwaw ko.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph