Gipaneguro ni kanhi world heavyweight champion Evander Holyfield nga modaog siya batok kang Kevin McBride sa ilang exhibition bout karong Hunyo 5, 2021 sa undercard sa Teofimo Lopez-George Kambosos fight.
Nanghinaot si Holyfield nga sa higayon nga iya nang malupig si McBride, hayan mahinayon na ang iyang gihandom nga trilogy batok sa kanhi world heavyweight undisputed champion Mike Tyson sa laing exhibition fight.
“I’m precautious. I’m not going up against somebody who is 22, 30 or 35. I’m going up against Kevin McBride who is in his late 40s. Whole thing is it’s a good match up. I will beat him. As for Mike Tyson, like I said, if he wants to do it, I will still fight him,” matod ni Holyfield nga napatik sa www.boxingscene.com.
Sila si Holyfield ug McBride parehong nakaaway ug midaog batok kang Tyson kaniadto.
Taodtaod nang nakignegusasyon ang kampo ni Holyfield sa kampo ni Tyson apan wala kini maselyado hinungdan nga nahan-ay ang panagharong nila ni Holyfield ug McBride.
Si Holyfield, 58, miposte og 11th round TKO nga kadaugan batok kang Tyson niadtong 1996.
Sa ikaduha nilang sangka pagkasunod tuig, midaog si Holyfield pinaagi sa 3rd round disqualification human gipaak ni Tyson ang iyang dunggan.
Si McBride, 47, maoy katapusang nakontra ni Tyson una iretiro miretiro ang gitawag og Iron Mike niadtong 2005. Giparetiro ni McBride si Tyson pinaagi sa 6th round stoppage.
Gipasabot ni Holyfield nga wala nahan-ay ang ilang pagpakignegusasyon kang Tyson kay nangayo kini og dakong premyo.
“His people talked [with mine] two different times. I don’t necessarily think that was him that pulled out. I think in general, like you say, it was a lot of money,” batbat ni Holyfield kabahin sa iyang interes sa trilogy nila ni Tyson.
“And so when you’ve got a lot of money, you’ve got all these different people with you and they start thinking about how they could get their money. So, of course , it’s not going to be that way.” (ESL)