SUPERBALITA CEBU

Labella: Liquor ban magpadayon

Cebu City Mayor Edgardo Labella. (File photo)

Ang liquor ban sa Cebu City magpadayon samtang ang kada adlaw nga mga kaso sa coronavirus disease 2019 (Covid-19) padayong magsaka kanaug.

“Dili sa i-lift una karon,” matod ni Cebu City Mayor Edgardo Labella sa usa ka press conference sa Abril 21, 2021. Matod ni Labella nga dunay mga establisemento nga nag-abusar niini dihang gilibkas sa siyudad ang liquor ban sa miaging tuig.

Subling gipatuman sa Siyudad ang liquor ban niadtong Pebrero human nisaka ang mga kaso sa Covid-19.

Gipahibawo usab sa mayor nga ang multa sa mga makalapas sa health protocol magpadayon. Matod ni Labella nga ang siyudad dunay ordinansa nga nagpahamtang og mga silot batok sa mga molapas sa health protocol.

Kon dunay panginahanglan nga kini suspensuhon, kinahanglan nga dunay amendatory ordinance o resolusyon nga himuon sa mga konsehal.

Sa miaging mga report, si Cebu City Councilor Joel Garganera, deputy chief implementer, niingon nga ang pagpahamtang og mga silot sa mga nakalapas epektibo sa Siyudad sa Sugbo. (JJL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph