SUPERBALITA CEBU

Carbon, public markets bukas na sa Dominggo

Carbon, public markets bukas na sa Dominggo. (File photo)

Paablihan na ni Mayor Edgardo Labella ang merkado publiko sa Carbon ug ubang mga merkado nga iya sa Siyudad matag Dominggo sugod sa Abril, 25, 2021.

Si Labella niisyu og Executive Order 128, kagahapon, Abril 21, nga buksan ang mga merkado sa Dominggo, apan kinahanglan nga ipatuman ug sundon gihapon ang minimum health protocol.

Ang merkado sa Carbon gisugdan og sirado matag-adlaw nga Dominggo sugod niadtong Septiyembre 30 , 2020 ubos sa EO No. 94 aron sa pagpahigayon sa disinfection.

Ang mayor niingon nga nakahukom siya sa pagbalik og abli gumikan sa hangyo sa mga tawo sa dakbayan ug kasikbit nga mga local government unit.

“There is a need to supplant this policy in order to allow public markets to open on Sundays and adjust disinfection activities to work around operational schedules of the market,” tipik sa EO 128 ni Labella.

Kay permanente na nga abli ang Carbon, ang disinfection ipahigayon panahon sa mga oras sa curfew sanglit wa nay tawo nga mamalit sa ilang mga tinda.

Gawas sa Carbon, abli na usab ang Pasil fish market ug mga merkado sa Taboan, Ramos ug Pardo nga pulos gipanag-iya ug gidumala sa Cebu City Government.

Ang pag-abli og balik sa merkado labi na sa Carbon gihangop ni Margarito “Junjun” Villegas, kinsa namaligya og mga utanon sanglit makabaligya pa sila sa ilang mga tinda.

Matod niya nga apektado ang ilang halin matag adlaw gumikan sa pandemya ug napun-an pa kay di makatinda sa matag Dominggo. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph