SUPERBALITA CEBU

Kinsay nanghulga ni Ritchie?

GIKUHA: Si Danilo Nepomuceno nikuha sa bag sa iyang asawa nga si Ritchie gikan sa Pardo Police Station. / AMPER CAMPAÑA

Kinsa man ang naghulga ni Ritchie Nepomuceno, ang iyang kanhi kapuyo nga giingong drug lord o ang pulis nga naghikog pipila ka mga oras human siya patya?

Sa kapulisan, si Nepomuceno giingong nitug-an nga siya gihulgang patyon sa iyang kanhi kapuyo nga drug lord.

Apan sa Commission on Human Rights (CHR), si Nepomuceno nitug-an nga si anhing Police Staff Sergeant Celso Colita nihulga kaniyang patyon human niya kini gireklamo og rape ug hulidap.

Matod ni CHR chief investigator manlalaban Leo Villarino nga si Nepomuceno nitug-an kaniya nga nakadawat siya og tawag ni Colita nga naghulga kaniyang patyon siya.

Si Villarino nitug-an usab nga siya nalambigit usa ka Reggie Labajo, apan sa ilang pagsusi nabilanggo na kini sa Cebu City Jail sa 2016 pa.

Wa usab mohisgot si Nepomuceno nga siya gihulga ni Labajo dihang nangayog tabang kanila ang babaye.

Sa kapulisan, padayon nga duha ka mga anggulo ang ilang gisubay, love triangle ug drugas.

Si Cebu City police chief Colonel Josefino Ligan nibutyag nga sa ilang imbestigasyon, si Nepomuceno mao ang bodegera sa shabu ug tigdeposito sa halin.

Gibutyag ni Ligan nga maabtan og tag lima ka kilo si Nepomuceno matag semana.

“Information gathered namo maabtan na siyag tag lima ka kilo (shabu) sa usa ka semana, dako nani kay with in a week kung naa kay lima ka kilos ang imong network ani taas na,” matod ni Ligan.

Ning ilang kasayuran, ilang gisusi ang kalambigitan sa drug lord nga kanhi kapuyo ni Nepomuceno sa kamatayon niini.

Matod ni Ligan nga si Police Major Alejandro Batobalonos nakahisgot nga si Nepomuceno nitug-an kaniya nga makigbuwag na unta siya sa drug lord, apan gihulga siyang patyon.

Wa motug-an si Ligan kinsa ang ngan sa drug lord, kon si Labajo ba ang ilang buot pasabot.

NGANO?



Si Villarino, sa iyang bahin, nahibong kon nganong karon lang nitumaw ang mga alegasyon sa kalambigitan ni Nepomuceno sa drugas.

“They (police) must have their own sources, but my question is why these information are surfacing when the victim and police officer Coleta are no longer around to refute or deny?” matod ni Villarino.

“Assuming that their operation against Ritchie was that (one) done by Colita (team leader of the Sawang Calero Police station’s Drug Enforcement Unit) in Tungkil, Minglanilla, but what did that sow? Nothing. What was produced in that operation was the fact that, the accusations of Ritchie that Colita raped her twice, extorted money, and robbery,” dugang niya.

MOTABANG



Andam moabag ang Dakbayan sa Sugbo sa pamilya ni Ritchie.

Si Mayor Edgardo Labella, sa iyang press conference sa hapon sa Miyerkules, Abril 21, 2021, niingon nga iyang gimandoan si city legal officer manlalaban Rey Gealon sa paghatag og legal nga abag sa nahabiling pamilya ni Nepomuceno.

Giawhag ni Labella ang bana ni Nepomuceno sa pagduaw sa iyang buhatan o kang Gealon aron mahatagan og legal assistance.

“Ato siyang hangyuon nga kon mahimo moari sa atong opisina o sa opisina sa City Attorney kay ako natong na-ingnan si Attorney Rey Gealon to render any legal assistance to the family of the victim,” nagkanayon si Labella.

Apan giklaro sa mayor nga ang pagpatay lang nga kaso ang tutokan sa Siyudad.

“Ato gyung tabangan ang pamilya so that makab-ot nila ang hustisya nga maoy gikinahanglan gawas lang atong alleged robbery ug rape pero siya mismo nga gihunosan sa kinabuhi,” dugang sa mayor. (PAC, AYB, WBS)

VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph