SUPERBALITA CEBU

Tambagi ko Noy Kulas: Ang GF o bayot?

Dear Noy Kulas,

Maayong adlaw! Itago lang ko sa ngalang Renren.

Kining akong problema pareho ni sa uban nimong letter senders nga naproblema sa ilang sexuality. Kay silahis pud ko, Noy, pareho nila. Naproblema ko kay ang akong girlfriend for six years nagsige na og pangutana nako kon kanus-a mi magminyo. Nisamot na karon kay mabdos na siya og three months.

Na complicated pa kay ang akong gay friend nasuko pagkahibawo nga nimabdos ang akong GF ug gusto nang magminyo mi. Maghikog kuno siya kon magminyo mi.

Ambot bitaw naglibog na ko unsay akong buhaton. Nag edad na ko og 36 while ang akong GF 31 pa. Unsa kahay akong buhaton, Noy K, akong pakaslan ang akong GF ug ipadayon ang among relationship sa bayot? Daghang salamat.

REN

Ren,

Lisod pud nang imong problema kay maora ka og bingka, kayo sa ubos, kayo sa ibabaw. Lisod ang paglingkawas kay duna gyuy masakitan bisan unsaon. Ang nakalisod pa nianang imong sitwasyon kay imong gitago ang imong pagkatawo ug imong relasyon nianang imong gay friend.

Usa sa maayo nimong buhaton mao ang pagpagawas sa unsay naa sa imong dughan ngadto kaniya. Gikinahanglan nga manubag ug barugan mo ang imong kaakuhan ngadto sa imong girlfriend ug sa inyong umaabot nga anak. Kon tinuod siyang nagmahal nimo, iya usab tan-awon ang kaayuhan di lang nimo, kon di sa mga tawo nga nagmahal ug gimahal mo.

Sa hinayhinay makasabot ra na siya kay gikinahanglan mo nga mopili sa imong girlfriend kay kamo rang duha ang masakitan kay nagminahalay man kaha mo. Kay kon kamo sa bayot mag-uban, daghan ang masakitan.

NOY KULAS

rojval69@yahoo.com ug kulassuper@sunstar.com.ph


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph