SUPERBALITA CEBU

Nalzaro: Tanghaga sa duha ka krimen

Saksi

Mas daghang mga pangutana, tanghaga ug gumunhap kay sa tubag ang naglimen sa kamatayon sa duha ka mga binuhat nga adunay koneksiyon sa usa ka kaso. Si Ritchie ‘Myles’ Nepomuceno, 35, taga Basak, Pardo, gipusil patay sa wala pa mailhing mamumuno dihang naglakaw pa-ingon sa panimalay sa iyang bana aron makig-uli na unta. Dugay nang nagbuwag sila si Ritchie ug si Danilo human naka-uyab si Ritchie og druglord nga naa napriso sa Cebu City Jail. Pero open gihapon ang ilang communication tungod sa ilang duha ka anak.

Samtang si Police Staff Sergeant Celso Colita naghikog pinaagi sa pagpusil sa kaugalingon sulod sa buhatan sa Regional Drug Enforcement unit diin siya ug ang iyang 11 ka mga kaubang pulis ubos sa camp restriction samtang gi-imbestigar ang mga kaso. Nadestino kini sila kaniadto sa Police Station 6 sa Sawang Calero.

Unsay kalambigitan nila ni Nepomuceno ug Colita? Si Nepomuceno ang mi-akusar sa mga pulis og robbery-extortion human siya himulboli sa mga pulis niadtong Marso sa iyang panimalay sa Tungkil, Minglanilla nga gironda. Gikuha ang iyang mga mahalong butang ug gipugos siya pagpa-withdraw og kuwarta sa ATM ug giingong gilugos pa ni Colita sa makaduha ka higayon sa usa ka motel.

Ang anggulo nga gisubay sa kapulisan karon sa pagpusil patay mao ang drugas. Matod pa sa kapulisan nga ‘bodegera’ o bagsakanan si Nepumoceno ug mo-dispose kini og kinilo sa drugas matag semana. Posible nga ang mga utangan niya og drugas ang nagpapatay kaniya aron matabla. Kaha? Nganong dili man usab tutukan sa kapulisan ang posibleng bawos ni Colita ug mga kauban sa akusasyon ni Nepomuceno? Dili pod kaha angay tan-awon kining maong anggulo? Basin gusto lang pahilumon si Nepomuceno sa maong mga pulis aron malibre sila sa ilang kaso? Ang biktima god ang reklamante batok nila?

Sa dihang gi-imbestigar si Colita nianang gabii, human mapatay si Nepomuceno, misulod kini sa pansayan ug milanog ang buto sa pusil Nag-suicide gyud kaha? Way foul play? Nganong aduna man siyay armas nga gidis-armahan man sila og under camp restriction? Diin man siya og armas? Daghan misteryo ning maong duha ka mga kaso.(bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph