Usa ka ba sa gi-tagged sa comments sa malicious Facebook post gikan sa usa ka higala o random users?
Niay maayong balita: ang page nga gilambigit sa “malicious tagging” gitangtang na.
Ang Department of Justice (DOJ)-Office of Cybercrime (OOC) nikompirmar sa Miyerkules, Abril 21, nga nakadawat sila og notice gikan sa APAC Legal Law Enforcement Outreach sa Facebook kalabot sa pagtangtang, ug ang administrators nga gilambigit sa page, gisilutan.
Ang DOJ-OOC nitaho niini ngadto APAC Legal Law Enforcement Outreach human sila makadawat og daghang mga reklamo gikan sa mga Facebook user nga gipang tag sa mga post nga dunay link sa law-ay nga mga video.
Kon ang link i-click, ang users sultihan sa pag-install sa update player aron sila makatan-aw nga full sa video.
Apan kon i-click ang link, kini mosangko sa automatic ug random tagging sa ubang Facebook account users sa samang post.
Mga eksperto nagkanayon nga ang mga tawo nga nagpaluyo sa “malicious tagging” makakuhag access sa Facebook account ug makapadala sila og mga message o posts nga dunay nga mag tag sa mga higala o random nga mga tawo sa social network, nga makapakatap sa malware.
Matod sa researchers nga malikayan kini pinaagi sa di pag click sa malicious links, labina kadtong gi-tag sa mga estranyo. (LYM)