Dear Papa Joe,
Ako diay si Bobby, 30 anyos na ang edad. Pamilyado pero di kasado. May ka live in ug usa ka anak nga 5 months old pa.
Ang nahitabo nawad-an ming duha og trabaho last year tungod sa Covid. Pero niadtong pagka February, gipatawag mi og balik pero nihangyo siya nako nga siya lang daw ang motrabaho kay na promote siya ug ako lang sa daw ang mobantay sa bata. Mao nisugot ko kay love lagi.
Pero sukad pagka Febuary, wa gyud na siya mauli hangtud karon kay di daw mosugot ang company nila kay Covid lagi. Pero nasakpan nako sa iyang Messenger nga na siyay ka chat ug nag binayluay pa sila og mga hubo nilang picture.Unsa may buhaton ko? Palihug tambagi ko.
BOBBY
Bobby,
Paet gyud ang imong kasinatian kay gamay pa imong anak unya nag ing ana pa gyud siya,
Ang problema ana kay di nimo siya makiha kay di man mo kasado ug ang nakapait pa gyud ana mao nga pwede niya kuhaon ang bata diha nimo kon gusto niya kay di man mo kasado.
Mas maayo nga pakunsulta ka sa DSWD sa ato. Basin pa makatabang o ma settle mo na kon di na mo makabalik. Puros mo may katungod sa bata. Wa sad ta masayud nganong na ing ana siya. Siya ra gyud nasayud ana. Gawas kon naa kay gitaguan sad nga bati ngadto niya. Again, di mo kasado busa lisod gyud ang paggukod niya.
PAPA JOE