SUPERBALITA CAGAYAN DE ORO

Active Covid-19 cases sa Oro anaa sa 336; recovery rate padayong miubos

PADAYON ang pasaka sa ihap sa mga aktibo nga kaso sa Cagayan de Oro human kini mitala og 52 ka mga bag-ong kaso sa coronavirus disease (Covid-19), sumala sa report sa City Health Office.

Miabot sa 4,560 ang kinatibuk-ang ihap sa mga kaso sa Covid-19 sa dakbayan, ug ang mga aktibo nga kaso anaa sa 336.

Matud ni Acting City Health Officer Dr. Lorraine Nery, nakatala ang syudad og 26 ka mga local cases with link, upat ka mga lokal nga authorized persons outside residence (Apors), 21 ka local index nga mga kaso, ug usa ka person deprived of liberty (PDL).

Sumala sa report City Health Office, sa 4,560 nga kinatibuk-ang kaso sa Covid-19, 435 niini mga ROFs/LSIs ug 4,125 ang mga local transmissions.

Ang Cagayan de Oro adunay 336 ka mga active cases, 116 niini na-admit sa Northern Mindanao Medical Center ug uban pang mga ospital sa syudad, 214 ang mga outpatients, ug unom ang mga ROFs/LSIs.

Miubos usab ang recovery rate sa dakbayan nga anaa sa 88.15 persyento.

Nakatala ang syudad og 17 ka mga coronavirus-positive nga mga kaso nga karon naka-recover. Naa na karon sa 4,020 ang ihap sa mga nakarekober.

Sa maong numero, 304 ang mga LSIs, 121 ang mga ROFs, ug 3,506 ang mga lokal nga kaso (community: 2,974; Apors: 532).

Ang ihap sa mga namatay sa Covid-19 sa syudad naa sa 204.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph