GUMIKAN sa text hotline sa Philippine Drug Enforcement Agency (PDEA) Davao nga "Isumbong Mo kay Wilkins," nasikop ang usa ka welder kinsa mikubit sa pagpalit og shabu sa usa ka poseur buyer.
Alas 7:45 sa gabii, Huwebes, Abril 22, 2021, nasikop si Edwin Bañanola Labastida, 47-anyos, didto sa Lulu Village, Barangay R. Castillo, Lanang, Davao City.
Subay sa report sa PDEA-Davao nga bunga ang operasyon sa nagpakabana nga katawhan nga gisumbong sa Barangay R. Castillo ug dayon gipasa sa PDEA hotline.
Nakuha sa posisyon sa suspek ang usa ka pakite sa gituohang shabu, drug paraphernalia ug P500 nga marked money.
Si Labastida kasohan og paglapas sa Section 5 (Sale of Dangerous Drugs) ug Section 11 (Possession of Dangerous Drugs), sa Article II sa Republic Act 9165 kun Comprehensive Dangerous Drugs Act of 2002. (Jeepy P. Compio)