Nadiskubrehan sa usa ka grupo sa mga scientist kining mga uhong nga moamag ug gigamit sa mga lumolupyo isip pangsuga.
Sa kapin 120,000 ka klase sa mga uhong sa kalibutan, mga 100 lang ang gituohang moamag.
Nasuta nga nadiskubrehan ang maong mga uhong atol sa pagbagyo didto sa India.
Ang grupo sa mga scientist gikan sa India ug China nakakita sa mga uhong didto sa Assam.
Sud sa kapin duha ka semana, wa sila katuo sa kadaghan sa mga klase sa uhong nga ilang nakit-an sa rehiyon, daghan niini bag-o pang nadiskubrehan sa siyensiya.
Human nakadawat og taho sa gikan sa mga lumolupyo kalabot sa “electric mushrooms,” dali silang niadto sa West Jaintia Hills District sa Meghalaya.
Taligsik niadtong higayuna ug nagpakuyog sila og usa ka guide sa bamboo forest nga nihangyo nila sa pagpawng sa ilang mga suga.
Ug didto sila nahibulong sa pag-amag sa mga uhong taliwala sa kangitngit.