Dear Noy kulas,
Tawga lang ko sa alyas nga Menchu. Minyo ko ug duna na mi anak usa sa akong bana.
Kadtong uyab pa mi, daghan ang nagsige og discourage nako kay bayot kuno pero tulo mi ka tuig nga uyab, naanad na ko nga siya hinhinon. Bisan sa sulti sa akong mga friends, nagpakasal mi ug nakaanak og usa.
Human ko makaanak og usa, hinayhinay na siyang nausab. Ka usa na lang mi mag sex sa usa ka buwan ug usahay wala. Magsige na lang siya og ingon nga kapoy. But nakabantay ko sa iyang pictures nga naay usa ka lalake nga pirme tupad niya sa iyang mga post sa Facebook. Iya ning kauban sa gym tawhana.
Unsa kahay akong buhaton nga kada brought up nako sa topic sa sa among sex, relationship molikay man siya? Tinuod kaha nga bayot siya? I need your advice, Noy.
MENCHU
Menchu,
Panid-i ang imong bana kay kon dunay aso, dunay kayo. Basin kanang imong instinct nga gigikanan sa imong pagduda tinuod na. Kay di baya ikaw ra ang naa sa ingon ana nga sitwasyon, naa baya say laing mga asawa. Naa gani asawa nga ni-file og nullity sa ilang sa ilang kasal sa iyang bana kay iyang nasakpan nga bayot. Naa sab koy nailhang silahis nga naa nay mga anak ug moladlad basta wa ang iyang asawa sa Cebu.
Suwayi pagpangutana kon tinuod bang mga estorya nga bayot siya. I evaluate ang iyang response kon bayot ba siya o di. Basin usa na siya sa mga lalakeng wa makaladlad, nag struggle sa pag project sa image nga siya lalake. Kon bayot man siya, naa ra nimo kon imo bang dawaton o di. Ayaw lang huna-hunaa ang inyong anak, kon di, unsa sab ang makaayog makalipay nimo.
NOY KULAS
rojval69@yahoo.com ug kulassuper@sunstar.com.ph