SECTIONS
Superbalita Cebu
Saturday, September 25, 2021
SUPERBALITA CEBU

Albor: Mga paukyab nga nasudnong programa

Sandiganan

Lahi ang mga programa ni President Rodrigo Duterte kon itandi sa nangaging pamunoan. Upat niini makapaukyab.

Una, ang libreng matrikula sa mga tinun-an sa 112 ka state universities/colleges (SUC) lakip na sa local government units (LGU) operated nga kolehiyo. Sumala sa Department of Budget and Management (DBM) nagkinahanglan og P100 bilyunes matag tuig alang sa Commission on Higher Education (CHEd).

Ikaduha, Universal Health Care paglibre sa tambal, ospital ug batakang panginahanglan medikal. Gahin nga P257 bilyunes matag tuig alang sa Department of Health (DOH).

Ikatulo, 2,000 pesos usbaw sa mga pensyonado sa Social Security System (SSS). Hinoon gitagitagi sa paghatag og P1,000 sa Enero 2017 tingali ang laing P1,000 isunod ra.

Ikaupat, Build-Build-Build Program nga gigahinan og P8.4 trilyunes alang sa Department of Public Works (DPWH) ug Department of Transportation (DOTR) isip centerpiece projects pagpakusog sa ekonomikanhong paglambo. Gibahig sa lima ka kategoriya Transport and Mobility, Water, Urban Development, Informations and Communications Technology ug Power.

Sa pagsulat ning lindog nahingpit na ang 9,845 kilometer roads, 2,709 bridges, 64 airport projects, 243 seaport projects, 4,536 flood control projects, 82 evacuation centers ug 71,803 classrooms. Padayong gitrabaho ang unom ka railways ug ang Philippine high Standard Highway Network nga naglangkob sa 1,049 kilometer highways ug expressways.

Apan nahugno si Pres. Duterte sa kurapsyon sa DPWH. Nalambigit ang mga kongresista nga mangayog komisyon sa mga kontraktor, suborno aron makadaog sa subasta ug dili makasugod ang proyekto kon walay madawat nga pabor. Lain sab ang ghost projects ug sub-standard nga materyales.

Sa talaan sa Presidential Anti-Corruption Commission (PACC) nga gibutyag ni Duterte naduhig sa anomaliya sila Reps. Josephine Sato – Occ. Mindoro, Alyssa Tan – Isabela, Paul Daza – Southern Samar, Angelina Tan – Quezon province, Eric Yap – ACT-CIS, Geraldine Roman – Bataan ug Teddy Baquilat – Ifugao. (csa_1156@yahoo.com / 09064648954)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!