Editoryal QR coded tracing

editoryal kartoon ni Ariel Itumay
editoryal kartoon ni Ariel Itumay

Pastilan kining ubang local government units (LGUs) nisagop sa binag-ong pamaagi sa contract tracing sa coronavirus disease 2019 (Covid-19) apan walay pagpakabana sa kapasidad sa internet connectivity sa ilang dapit. Ang maayong intensiyon nahimong hasol ug dugang galastuhan sa kawtahan bisan libre ang app nga nag-download.

Seguro wala kini masinati sa Dakbayan ug Lalawigan sa Sugbo human wala hingpit momando ang kagamhanan sa paggamit sa QR (quick response) coded tracing nga naa sa Google sama sa Bubble app. Apan sa kagamay nga Dakbayan sa Dipolog, gipatuman kini gikan sa labing gamay ug dagko estabilisemento, karenderiya ngadto sa malls.

Dili ka makasulod o makapalit kon walay QR code nga ma-scan sa establisemento. Busa ang tanan nagkabuang sa pag-download sa QR code bisan kadtong mag-uuma, mananangot, mga mangingisda ug ubang batakang masa nga dili haniti sa teknolohiya napugos. Nagpatudlo apan, ang ubang makamao nanapi o nagpabayad usab.

Tungod niini, daghang ang dili na mamalit sa siyudad gawas kon importante. Ang resulta niminus og samot ang kustomer nga apektado nang daan sa pandemiya. Reklamo sa ubang tagdumala, maayo og manira og balik kon magpadayon kini nga kahimtang. Mosamot kadaghan ang walay trabaho.

Apan ang nag-unang problema sa pagpatuman sa QR code contact tracing mao ang kuyaig nang daan koneksiyon sa internet sa Dipolog. Tungod sa kadaghan nang nanggamit, misamot og kamang ang koneksiyon. Naapektohan usab ang modular classes sa Department of Education (DepEd) nga internet-based ning panahona.

Wala maghunahuna ang mga opisyal sa Dipolog gipalambo unta og una ang plata-porma sa teknolohiya sa kusog, kasaligan ug lig-on nga koneksiyon una mosagop sa modernong pamaagi. Maayo unta kini nga solusyon sa health standard.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph