ANAA na sa 352 ang ihap sa aktibo nga mga kaso sa Cagayan de Oro human nakatala ang dakbayan og 33 ka mga bag-ong kaso sa Covid-19.
Sa 352 ka mga aktibo nga kaso, 136 niini na-admit sa Northern Mindanao Medical Center ug uban pang mga ospital sa syudad, 211 ang mga outpatients, ug lima ang mga ROFs/LSIs.
Miabot na sa 4,593 ang kinatibuk-ang ihap sa mga kaso sa Covid-19 sa dabayan.
Sa 33 ka mga bag-ong kaso, siyam niini mga local case with link, 15 ang mga lokal nga authorized persons outside residence (Apors), ug siyam ang mga lokal index nga mga kaso.
Matud ni Acting City Health Officer Dr. Lorraine Nery, sa 4,593 nga kinatibuk-ang kaso sa Covid-19, 435 niini mga ROFs/LSIs ug 4,158 ang mga local transmissions.
Nakatala usab og 16 ka mga coronavirus-positive nga mga kaso nga karon naka-recover. Anaa na karon sa 4,036 ang ihap sa mga nakarekober nga mga kaso sa dakbayan.
Sa maong numero, 307 ang mga LSIs, 122 ang mga ROFs, ug 3,607 ang mga lokal nga kaso (community: 3,057; Apors: 550).
Ang recovery rate sa Cagayan de Oro anaa sa 87.87 percent.
Ang ihap sa mga namatay sa Covid-19 sa syudad naa sa 205.