ANG gipangtaktak nga mga direktor sa Metropolitan Cebu Water District (MCWD) masaligon nga modaug gihapon sila sa ilang kaso.
Kini bisan kon si Judge James Stewart Ramon Himalaloan, kinsa nipabor sa reinstatement sa gipangtaktak nga board members, ning-inhibit gikan sa kaso.
Si Himalaloan niluwat sa hukom pag-inhibit gikan sa pagdungog sa petisyon nga gipasaka sa tulo ka kanhi board members sa Abril 19, 2021.
“We will win this case,” matod sa ilang legal counsel, lawyer Amando Virgil Ligutan.
Si Ligutan niingon nga ang judge inhibit gikan sa kaso “because of false accusations” nga gihimo sa kampo ni Cebu City Mayor Edgardo Labella.
Matod ni Ligutan nga si Himalaloan patas ug wa maglangaylangay sa paghukom sa kaso.
Sa iyang tulo ka pahina nga desisyon, si Himalaloan namahayag nga ang iyang hukom tungod sa “false accusations” nga gibato kaniya sa kampo ni Labella nga wa na siyay “cold neutrality and impartiality to continue handling this casw even without factual and legal basis.”
Sa Marso, ang kampo ni Labella nipasaka sa motion for inhibition batok sa huwes.
Sila si kanhi MCWD board members Ralph Sevilla, Augustus Pe Jr., ug Cecilia Adlawan ningduso og petition for temporary restraining order and injunction batok kang Labella ug mga opisyal sa Local Water Utilities Administration (LWUA) sa Nobiyembre 2019 sa Regional Trial Court human sila gi-terminate.
Sa Marso 16 ning tuiga, ang korte nipabor sa kanhi directors ug nihatag kanila og 20 ka adlaw nga TRO. Gisuwayan og kuha sa ilang habig ang kampo ni Labella, apan pakyas. (JJL)