NAGPAHIGAYON og usa ka community pantry station ang simbahan sa Santo Niño Roman Catholic Parish sa Santa Fe nga gitawag nila og Caritas Kindness Station.
Programa kini sa pagpang-apod-apod nila og mga tabang sa ilang mga parokyano.
Gilatag nila sa ilang dakong lamisa ang mga nag-unang pangihanglanon sa mga katawhan ug gipasagdan sila nga mokuha dinhi.
Usa kini ka lakang sab nga gipasiugdahan sa Parish Pastoral Council Officers ug sa Parish Finance Council Officers sa maong parokya nga gipanguluhan sab sa Kora Paroko niini nga si Father Dave Villaceran.
Giingong matag Dominggo na kini sa hapon mahitabo sa ilang parokya.
Dakong kalipay sab ang gibati sa kapin 200 ka mga Satafehanon nga nakapahimus sa maong outreach program sa Romano Katoliko sa Santa Fe. (HBL)