SUPERBALITA CEBU

Basil: Malinawong pagpanaw Victor Wood

Grabe na ni

MANILA – Daghang fans sa Original Jukebox King nga si Victor Wood ang nagmasulob-on sa dihang nahibaw-an nila nga nipanaw na ang ilang idolo.

Plaka King sad ang tawag kang Victor Wood kanhi og kanunay nga hit ang mga kantang iyang gi-record nga ang uban adaptation ug cover niya sa mga kantang banyaga.

Aduna sad siya’y mga original songs nga nag-hit sad.

Gumikan sa iyang kasikat, may mga kanta pa siyang Binisaya like “Ang Ihilak,” “Ikaduhang Bathalaa,” “Inday Kapait Mo,” “Tuba,” “Mahimong Biyaan Mo Ako,” “Inday,” “Ang Gugma Sa Tawo,” “Oh Kinabuhi” ug uban pa.

Sa iyang mga kantang Binisaya morag ang “ Oh Kinabuhi” ang pinakasikat ug nadungog pa nako si Senator Manny Pacquiao nga mikanta niini with matching guitar.

Gumikan sa iyang mga Binisayang awit maong gimahal siya sa mga Sugbuanon.

Tubong Bicol si Victor ug siya ang nag-exposed sa laganap na “payola system” sa radio stations kaniadto.

Gumikan sa iyang pagbulgar, miusos ang popularity ni Victor hangtod sa nanimpalad siya sa America.

Nagbalik sa Pilipinas si Victor og misuway sa politika pero wa siya gisuwerti.

Kaniadtong tuig 2011, ang grupo ko sa PMPC Star Awards For Music mipahinungod kang Victor Wood isip usa sa OPM Icons kauban sila si Sylvia La Torre, Philippine Madrigal Singers, Pepe Smith, Mike Hanopol, Freddie Aguilar, Celeste Legaspi,Ryan Cayabyab, Basil Valdez, Jose Mari Chan, Danny Javier, Jim Paredes, Boboy Garrovillo Pilita Corrales ug Nora Aunor.

Sayang tungod kay di na makita ni Victor Wood ang pelikulang “Jukebox King,” the Lifestory of Victor Wood. Ang midala as Victor Wood mao ang gwapong si Martin Escudero ubos sa direksiyon ni Direk Carlo Ortega Cuevas.

May teaser na kini og matan-aw na sa Youtube apan nahunong lang ang shooting gumikan sa pandemic.

Na-shocked og nagmasulob-on ang bida sa “Jukebox King, the Victor Wood Story nga si Escudero sa dihang nahibaw-an nga patay na si Victor Wood due to Covid complications sa edad nga 75.

RIP Victor og condolence sa imong pamilya.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph