Globe miila sa mga babaye nga gagmay’ng negosyante

SARI-SARI STORE: Si Analyn Viri­nia ug ang iyang sari-sari store nga dako og abag sa kinitaan sa iyang bana. / Tampo
SARI-SARI STORE: Si Analyn Viri­nia ug ang iyang sari-sari store nga dako og abag sa kinitaan sa iyang bana. / Tampo

Ang kababayen-an karon dunay gahom sa paghimo sa iyang dugang lakang.

Usa na niini ang dalaygon nga si Analyn Virinia kinsa, pinaagi sa iyang kakugi ug pagkamaantuson, nakahimo siya sa pagsuporta sa pagkaon sa iyang pamilya bisan ang iyang nag-unang pangita naapektohan sa pandemiya.

Ang bana ni Analyn usa ka maintenance worker ug suwerte nga wala mataktak sa trabaho tungod sa pandemiya. Apan tungod sa quarantine restrictions, ang iyang trabaho gikibhan og katunga. Nagpasabot sa pagminos sa kita sa pamilya.

Bisan sa dulom nga kahimtang, si Analyn nagpabiling lig-on. Siya niabag sa iyang bana pinaagi sa pag-abli og sari-sari store diin siya namaligya sa nag-unang palaliton ug Globe prepaid load.

“Dati po ang kinikita ng asawa ko, [nasa] isang linggo po ay limang araw po ‘yung pinapasok niya. Ngayon po ay dalawang araw na lang po. Napakalaking kakulangan po nito sa amin pinansyal. Kaya po todo sikap din sa sari-sari store at saka sa Globe na pang-load,” matod ni Analyn.

Ning buwana, ang Globe niapil sa tibuok nasod sa pagsaulog sa papel sa kababayen sa katilingban ug ang kompaniya niila sa mga babaye nga gamayng negosyate, kinsa nibarog taliwala sa krisis.

“Ngayon po napakalaking bagay po ng Globe na pang-load kasi ito na po ‘yung pinaka, nagpapa-survive sa amin.” Gawas sa pagkaon sama sa canned goods ug instant noodles, ang Globe Load usa sa mga labing himalitan sa iyang tindahan tungod sa gamit sa komunikasyon sa nagkalagyo nga sakop sa pamilya tungod sa pandemiya.

Si Globe executive vice president for channel management Bernie Llamzon nagkanayon nga ang retailers sama ni Analyn importanteng kabahin sa kadena sa negosyo ngadto sa labing ubos nga ang-ang sa komunidad.

“This National Women’s Month, we would like to thank and honor the women who keep the community stores running, supporting their communities,” matod ni Llamzon.

Sulod na sa duha ka dekada karon, ang Globe naghatag sa sari-sari store owners og dugang tinubdan sa kita gikan sa nagkalainlaing produkto sama sa Globe Prepaid ug TM SIM cards, prepaid load cards, ug electronic load.

Ang pag-ayuda sa Globe sa micro entrepreneurs nagsuporta sa United Nations Sustainable Development Goals (UN SDG), labina sa UN SDG No. 8 nga nanawagan sa Decent Work and Economic Growth; ug no. 9 diin nagtutok sa papel sa infrastructure ug innovation isip dakong manubela sa economic growth ug development.

Ang Globe komitado sa pag-isa sa 10 United Nations Global Compact principles ug 10 UN SDGs. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph