NISAMOT hinuon kalibog ang kaso sa kamatayon ni PS/SGT Celso Colita kay posibling wa naghikog ug dunay nagpusil kaniya.
Karon nigawas sa imbestigasyon nga ang kabhang sa bala gikan sa armas nga gigamit ni Colita di pareho.
Ug si Colita lefthanded kon walhon. Apan sa tuo nga bahin sa iyang ulo ang samad ni Colita, sa ato pa tuo nga kamot gigamit sa pagpusil nga lisud tuohan
Kon duna may nagpatay ni Colita, si kinsa man sab ang pasanginlan ? Ang 11 ka mga pulis nga iyang sakop nga nadamay sa kaso sa robbery and extortion ug paglugos ni Richie Nepumoceno?
Gikinahanglan nga tutukan kini sa mga imbestigador sa maong kaso ug di isalikway ang anggulo sa paghikog.
Sa akong gihimong research posibling naghihog si Colita. Tungod sa depression sa iyang sitwasyon ug gituyo aron maglibog ang mga imbestigador.
Ug kombensido sab ko nga si Colita maoy nag unang suspek sa kamatayon ni Nepumoceno nga mipasangil sa kasong pagpang-lugos.
Para nako binoang ang gihimo sa mga imbestigador sa kaso ang wa pag-apil ni Colita nga suspek. Drugas ug love triangle ang gihimong hinungdan sa kamatayon.
Gipikhan ug gitangtangan gud ni Cebu City Mayor Edgar Labella, og allowances Ang kapulisan nga nakontrobersya nga nadistino sa Sawang Callero Police Station.