MISAKA ang ihap sa mga aktibo nga kaso sa Cagayan de Oro human 12 ka mga bag-ong kaso sa Covid-19 ang natala sa dakbayan.
Miabot sa 4,674 ang kinatibuk-ang ihap sa mga kaso sa Covid-19 sa dakbayan, ug ang aktibo nga kaso anaa sa 318.
Sa 12 ka mga bag-ong kaso, lima niini mga local cases with link, usa ang lokal nga authorized person outside residence (Apor), ug unom ang mga lokal index nga mga kaso.
Matud ni Acting City Health Officer Dr. Lorraine Nery, sa 4,674 nga kinatibuk-ang kaso sa Covid-19, 435 niini mga ROFs/LSIs ug 4,239 ang mga local transmissions.
Ang Cagayan de Oro adunay 318 ka mga active cases, 97 niini na-admit sa Northern Mindanao Medical Center ug uban pang mga ospital sa syudad, 217 ang mga outpatients, ug upat ang mga ROFs/LSIs.
Nakatala usab og 34 ka mga coronavirus-positive nga mga kaso nga karon naka-recover. Anaa na karon sa 4,147 ang ihap sa mga nakarekober nga mga kaso sa dakbayan.
Sa maong numero, 308 ang mga LSIs, 122 ang mga ROFs, ug 3,717 ang mga lokal nga kaso (community: 3,158; Apors: 559).
Ang recovery rate sa Cagayan de Oro anaa sa 88.72 percent.
Ang ihap sa mga namatay sa Covid-19 sa syudad naa sa 209.