TRENDING sa Twitter ang “Sharon Cuneta Dr. FosterPh” niadtong Martes diin nalingaw diay mismo si Megastar niini.
“OMG! Thank you so much! Would absolutely love to play her!!!” si Sharon sa iyahang Instagram account.
Sa maong post, gi-tag usab sa Megastar si Lauren Dyogi, ang ABS-CBN Entertainment Head, ug si Nancy ug Angel Yang nga management team niya sa maong network. Matod sa PEP.ph nga gihimo na ang shoot sa maong Pinoy remake bisan paman sa kalisod sa lock-in taping.
Usa ang ngalan ni Judy Ann Santos nga milutaw nga maoy modala isip Dr. Foster.
Niadtong nakalabay nga semana, mipagawas og teaser ang Dreamscape Entertainment.
Lakip nga milutaw ang pangan mao sila si Jodi Sta. Maria, Angel Aquino, ug Sunshine Dizon. (Superbalita Cebu)