USA ka bar sa Copenhagen sa Denmark ang nagtanyag sa mga costumer ug Covid-19 test ug beer samtang nagpaabot sa resulta.
Ang lakang gihimo human sa pipila ka buwan nga restriksyon tungod sa pandemiya.
Mga 20 euros og kapin sa P1,100 ang bayad sa mga costumers sa book sa Warpigs Brewpub. Human sa tunga sa oras, kung negatibo ilang resulta sa test, mamahimo silang makasud sa bar.
Ang maong pakulo nigana ubos sa “corona-passport” nga sistema sa nasud diin ang mga tawo mahimong mogamit og mobile app o form gikan sa gobyerno aron mapakita kon ang maong tawo nabakunahan na, nagka-Covid niadto o adunay negatibong resulta sud sa 72 oras.
Gisunod sab ang maong iskema sa mga museo, cafes ug mga kan-anan sa di una nila pasudlon ilang mga costumers.
Ang kagamhanan sa nasud sa Denmark nagtanyag sab kini og libreng test apan mas menos ang linya sa adunay bayad sama gihimo sa Warpigs Brewpub.