NAKABATON og bag-ong mga amo kining mg airing nga gipasubasta human nasikop sa kapulisan atol sa drug raid didto sa Thailand sa milabayng semana.
Unom ka mga iring, lima niini Scottish Fold breed ug usa ka Bengal ang napalit ni Nutch Prasopsin, kinsa maoy nipadagan sa Facebook page nga gisunod sa 3 milyones ka mga cat lovers. Iyang mga followers nakatabang niya nga makapundo og 100,000 baht kon kapin sa P154,000 nga maoy iyang gigamit aron maangkon ang mga iring.
“I was very excited. I had very much hoped that the cats would end up in my care. I’ve been following their status since the very first day,” ni Nutch ngadto sa mga reporters.
Nahitabo ang subasta human sa 30 ka adlaw nga lugway sa tag-iya sa mga iring nga sa kasamtangang nagtagotago.
Makigsawo unya ang mga iring og puluy-anan sa laing 20 ka mga iring ni Nutch.
Matod ni Pornthip Jampong sa regional narcotics control board nga nag-antos sa kalbaryo ang mga iring maong haum lang nga gisubasta sila nga usa ka grupo.
“They were living together so they would be familiar with each other. If we separate them, this may cause them to stress or have psychological effects,” ni Pornthip.
Ang kwarta nga nakuha gikan sa subasta ibutang unya sa “seized assets” sa kapulisan.