TUYO nga ipaduol ang serbisyo sa kagamhanan ilabi na sa serbisyong medical ug pinansyal, gibuksan sa kagamhanan sa lalawigan sa Sugbo ang ikaduhang Malasakit Center sa Cebu Provincial Hospital sa Dakbayan sa Carcar kagahapon, Abril 27, 2021.
Ang maong center maoy ika-103 nga Malasakit Center sa nasud samtang ikaunom nga sentro nga gipahimutang sa Sugbo nga motabang sa mga kabus o labing nagkinahanglan.
Subay sa listahan nga gi-identify sa Department of Social Welfare and Development (DSWD) nalakip sa unang mga benepisyaryo sa mga serbisyo mao ang mga drivers, operators ug vendors sa syudad.
Sama nalang sa Valladolid-Tuyom Operators and Drivers Association, Carcar Habal-habal Drivers Association, Alexandria Chappy Drivers and Operators Association, Barangay Can-asujan Tricycle Operators and Drivers Association, Carcar Caipilan Chappy Cab Drivers Association, Acacia Chappy Operators and Drivers Association, Carcar City Angkas Riders, Carcar Chappy Drivers Association, Cambuntan-Tugas Operators and Drivers Association.
Carcar Cemetery Tricycle Operators and Drivers Association, Valladolid-Tuyom Habal-habal Drivers Association, Napo Tricycle Drivers and Operators Association, Motor Drivers Association, Liburon Chappy Cab Drivers and Operators Association, Gaisano Chappy Cab Drivers Association.
Hospital Tricycle Operators and Drivers Association, Dapdap Tricycle Operators and Drivers Association, Dunggoan-Bolinawan Tricycle Operators and Drivers Association, Perrelos Carcar Tricycle Operators and Drivers Association, Carcar Delicacies Vendors Association.
Tungod niini, misaad si Cebu Governor Gwendolyn Garcia nga pun-an ang road improvement projects sa siyudad aron mas daghan ang makalugsong ug makapahimulos sa mga serbisyo.
Ang labing unang Malasakit Center sa probinsya sa Sugbo gibuksan sa Cebu South Medical Center, Dakbayan sa Talisay niadtong 2020.
Lakip sa laing upat pa ka mga sentro anaa nahimutang sa Vicente Sotto Memorial Medical Center sa dakbayan sa Sugbo, Eversley Child Sanitarium and General Hospital sa Mandaue City, Saint Anthony Mother and Child Hospital sa Cebu City, ug Lapu-Lapu City District Hospital. (ANV)