WALAY mahimo kon di gidawat na lang sa pamilya sa babayeng 17-anyos ang kalit nga kamatayon niini human natumbahan og lubi.
Ang insidente nahitabo niadtong Miyerkules sa hapon. Abril 28, 2021, didto sa Purok 2, Orchids Street, Kanaan, Island Garden City of Samal (Igacos).
Nasayran nga nanghipos og hinayhay ang biktima diin wala na niini malikayi ang kalit nga pagkatumba sa lubi padung kaniya.
Kusog suma pa ang haguros sa hangin niadtong mga taknaa nga maoy milukat sa punoan sa lubi.
Nakahiagom og mga grabeng bun-og sa lawas ang dalagita nga maoy hinungdan sa iyang hinanaling kamatayon.
Gihaya na ang biktima sa iyang mga kabanay. (Jeepy P. Compio)