Backpackers Hostel nagpahipi sa Panagsama

Backpackers Hostel nagpahipi sa Panagsama

Harvey D. Yburan / Nagsuwat

Vergel Abaquita / Hulagway


Gawas sa kanindot sa kadagatan sa Panagsama, lungsod sa Moalboal, sa hagabatang bahin sa lalawigan sa Sugbo adunay dapit nga haom alang niadtong gigutom, or gustong mag-chill chill.

Ang Smooth Café nahimutang sa Panagsama Beach, Barangay Basdiot, Moalboal.

“To smooth out your day with freshly roasted coffee, great quality food, delicious cakes and refreshing drinks,” tagline sa maong establisemento.

Ang Moalboal naila sa mga lokal ug international tourist tungod sa diving sites ilabi na sa sikat nga Sardines Run, himsog nga coral ecosystem, ug whale sharks

SINUGDANAN

Nagsugod ang operasyon sa Smooth Café niadtong Nobiyembre 8, 2018 ug ang mga tag-iya mao sila si Marc Boissy, French-Canadian ug iyang Dutch business partner Johnny V Egmond nga pulos mga travelers.

Mahiligon og luto si Marc samtang si Johnny usa ka coffee lover.

Pagbuto sa pandemiya sa miagingtuig sulod sa tulo ka buwan nilang gitak-upan ang maong coffee shop

Ilang gipahibawo nga ang maong negosyo ubos sa Smooth Morning Grind Corporation.

“Smooth Morning” nagpasabot nga sayo sa buntag sila bukas na aron pag-cater niadtong gikan nga nag-party anang pagka-gabii aron nga mahuwasan sa ilang hangover.

Samtang ang terminong “grind” mao ang ginaling nga coffee beans nga maoy ilang gi-serve sa ilang mga kustomer.

“We strive to locally source the finest quality coffee beans, mainly in the Cordillera mountains of the Philippines.

“We use only fresh ingredients to deliver the best quality products,” tipik sa statement sa management.

CAFÉ / HOSTEL

Gawas sa fresh coffee ug lami-an nga vegan burgers, cakes ug Pinoy foods relaxing sab ang lugar nga adunay “modern-native rustic” nga tema.

Kay aduna silay garden bar nga maghatag og relaxing vibe sa ilang mga suki nga maka-enjoy sa ilang cocktails, wine ug craft beers.

Sa mga traveler o backpackers nga nangita og limpyo ug barato nga accommodation nga magpalabay sa gabii, aduna sab silay hostel nga kasudlan og grupo nga clientele sa affordable nga presyo.

Mamahimong mobisita sa mga booking app sa internet alang niadtong mga nagplano o interesado.

MENU

Patok ang Smooth Café alang niadtong naglikay sa karne o sa kadtong health conscious kay sagad sa ilang gidalit nga pagkaon, vegan.

Ilabi na ang ilang best seller nga burger ang “Gangnam Style,” inay beef ang patty ginama sa kamote nga gitimplahan sa Korean style barbeque sauce, mayonnaise nga adunay kimchi slaw nga side

dish.

Sa mga nangita og adobo burger, dili maguol kay aduna silay “Adobo Lami Kaayo.”

Apan inay karne sa baboy ang gi-adobo, puso sa saging ang gisubak nga gitimplahan sa adobo sauce.

Ang matag burger mokantidad sa tag-P260 apan tungod sa kadako mamahimong aduna kay kasawo sa pagkaon niini.

Gawas sa lima ka klase nilang burger, nag-offer sab sila og vegan wraps, bacon & eggs / chicken shawarma wraps, flatbread pizzas ug cake slices.

Adunay variety sa hot and cold drinks nga inyong masuwayan.

Sa mga chocolate lovers ang Smooth Café namaligya og locally made dark, milk ug white chocolates nga ginama sa CacaoLab nga nagbase sa Moalboal.

UNSAON PAG-ADTO

Gibana-bana nga molanat ngadto sa tulo ka oras ang biyahe kon mosakay sa public bus nga manukad sa South Bus Terminal sa dakbayan sa Sugbo nga adunay gilay-on nga 89.5 kilometros.

Pag-abot sa lungsod mamahimong mo-hire og traysikol nga maoy mohatod ninyo sa Panagsama beach.

Sa adunay mga pribadong kasakyan matultolan ra ang lugar pinaagi sa paggamit og driving navigation app sama sa Waze o Google map.

CONTRIBUTOR

Harvey Despi Yburan, 36, taga-Barangay Pajo, Lapu-Lapu City, gradwado sa B.S. Industrial Engineering graduate ug kasamtangang Regional Distribution Planner sa SEA/ANZ, kinsa mahiligon og food, fitness ug travel.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph