KIDAPAWAN CITY -- Mikirig ang tulo ka tawo human makuryentihe samtang nag-ayo og water reservoir alas 7:45 sa buntag, Huwebes.
Namatay giila nga si Jesus Tagaan, 40, samtang ang nangapaso ug gidala ngadto sa balay tambalanan mao sila Maynard Igcalinos, 30, ug Rene Igcalinos, 51, mga molupyo sa Barangay Kalakakan, Pikit, North Cotabato.
Nakuryentihan sab ug naangol ang pulis nga si Staff Sergeant Atilano Arandilla nga misulay sa pagtabang sa mga biktima.
Matud ni Pigcawayan Chief of Police, Major Ivan Samoraga, nga samtang nag-ayo ang mga biktima sa water reservior sa may Barangay Bologo, Pigcawayan aksidente nga nasangit ang dala nga tubo ni Tagaan sa live wire sa Cotabato Electric Company (Cotelco).
Patay on the spot si Tagaan sa kakusog sa boltahe sa kuryente samtang nakaangkon og paso sa lawas ang mga Igcalinos.
Sa diha nga nakit-an ni Arandilla ang nahitabo sa mga biktima, mikatkat dayon ang pulis sa tangke aron sila luwason apan nakuryentihan sab siya ug nahulog.
Ang mga Igcalinos ug ang pulis daling gihatud sa mga molupyo ngadto sa ospital. (Edgar E. Fuerzas)